Plattdüütsch

Europäisches Fackzentrum Moor un Klima

Europäisches Fachzentrum Moor und Klima (EFMK)

Reinald Schröder (De Olle, de in’t Hus to seggen hett)
Dr. Michaela Meyer (De Froo, de dat EFMK an loopen hollt)

Kontakt:
Europäisches Fachzentrum Moor und Klima
Auf dem Sande 11, D-49419 Wagenfeld – Ströhen
Mail: info@moorwelten.de
www.moorwelten.de      Pingelkasten +49 (0)5447 9978220

‘n Woort vöörweg

Plattdütsch un Moor – hier in’t Deefholter Gägend hört dat jummers tohaup. In de heele noorddüütsche Gegend is „Platt“ de Spraak van de Lüe wesen, de sück mit Sweit un harde Moit (oder Arbeid) in’t Moor afplackt hebbt. Plattdüütsch hörde daarto, is een olle Kulturgoot. Un jüst dorum wüllt wi us ok eben „platt“ vörstellen. Up disse Sieten könnt jie van Baben bit Ünnen all de Saaken finnen, de in dat Europäische Fackzentrum Moor un Klima (EFMK) to Gangen sünt.

Dat Europäische Fackzentrum Moor un Klima

Dat EFMK is een smucket Huus, wo bannig klooge Lüe all hör Wäten van de Ökologie un van de Mooren to hoop smieten dot. Vandagen döcht dat dröögegelegde Moor nich mehr as Levensruum för seltene Deeren un Planten. Uuterdem sett dröge Moore bannig veel Drievhuusgas frei – een grot Malöör för us Klima. In’t EFMK söökt Facklüe un annere klooge Minsken na Antwoorden för disse Herrutfördung, de Vandagen un in de tokomende Tied up use Mooren töövt. Un dorbi probeert se ok veele patenten Saaken. Dat versteiht sich vansülvst, dat dorbi ok Umweltverbanden, Buurn, Törffabriken und veele kloge Lüe met helpt. De Lüe van’t EFMK kennt sick mit de Gägend ut un könt veel votellen över Deeren un van de Planten van’t Moor. Un över de Treck van de Kraniche in’t Fröhjaar un in Harvst – een besünners Natuurschauspeel! Wenn jie rut wüllt in de Natuur, staht sei praat und wiest jau den moisten Padd dör de Moorlandsschop – dor kannst mit veel Pläseer wat beleven! Dat sünt also de Lüe van dat EFMK.

Dat EFMK kümmert sück ok um de Umweltbildung in Scholen un Universitäten: Schölers köönt hier ünnersöken un wat lehren. Verscheden Projekten hebbt sück up’t Padd maakt to studeeren, wo wi mit use Moore up de Düür vernünftig umgaahn künnt. 

För de Besökers gifft dat de „Moorwelten“, kiek mal rin! Dar kannst dien Ogen und Ohren updoun, bekieken, föhlen, wat du to faten kriegst. Kannst mit blooten Föten gaahn un föhlen, wo dat kiddelt unner de Föten und wo dat quatscht, wenn man döör’t Moor geiht.  Un wenn jie naa all dat Kieken un Tohhörrn noch bi een Koffie verhalen wüllt, smacht up Torte hebbt of een Platz för een Klönsnack söökt, dann gifft dat ok een lüttje Cafeteria. För de lütten Deerns un Jungen hebbt wie buten de „Moorschnucken-Erlebniswelt“ en Platz to'm spölen, wo se sück van Harten mit holten Schaapen utjachtern un veel över de Moorschaape lehren könnt.

De “Moorwelten” sünd ook for Minsken met Behinnerungen open.

Dat gah Jo goot!

Dann is’t hus open

Dingsdag – Sönndag un in Ferientied van klock 10 bit 6.

Wenn jie wölt, wiest wi jie ook den moisten Padd dör de Moor!

Togang

Groten (Över 18 Johre): 5,50 €
Kinners (över 4 Johre): 3,00 €
Blots in’n  Barfootpadd:  2,00 € pro Person
Familien (2 Grote met Kinners bit 18 Johre): 13,00 €
Een Schaar van Erwassenen: 4,50 € pro Person

Een Schaar van Kinners: 2,00 € pro Person
Met Föhrung: 2,00 € pro Person
Een Kaart för “MOORWELTEN” un „Tierpark Ströhen“ tosammen: 16€ för Grote un 10€ för Kinners